وہ کہیں نہیں

کہوں کیا خبر کیا ہے زندگی
ہے یہیں کہیں یا کہیں نہیں
میں نے سمجھا تھا جسےزندگی
وہ کہیں نہیں، وہ کہیں نہیں

وہ محبتوں کی گلابیاں
وہ وفاوں کی تھیں سلامیاں
میں جسے سمجھتا تھا دوستی
وہ کہیں نہیں، وہ کہیں نہیں

سر زندگی، سر بندگی
کہاں میرا راز زندگی
جسے کھوجناتھا مجھےاےجاں
وہ کہیں نہیں، وہ کہیں نہیں

یہ دکھوں بھری سی زمیں مری
یہاں کون جیتا ہے زندگی
میں نے ڈھونڈا ایسا گلی گلی
وہ کہیں نہیں، وہ کہیں نہیں

میری وحشتوں کا جو نام ہے
وہی لمس جو میری پیاس ہے
میری روح جس کی غلام ہے
وہ کہیں نہیں، وہ کہیں نہیں