سال کی آخری شام
تم اور میں
ہم ایک دوسرے میں گم
تمھاری دلکش مسکراہٹ
نظروں کابےباک پن
اور میری شرمگیں جھکی نگاہیں
ایک مکمل محبت بھرا مقدس لمحہ
چاہیں جتنے سال آئیں
جوبھی شامیں گزریں
تم اور میں اسی طرح ہمیشہ ساتھ ہوں
تو کسی بھی جدائی کا احساس
کوئی خدشہ
مجھے چھو بھی نہ پائےگا
تمھارے پیار کا ابدی سحاب
اسی طرح مجھ پر سایہ فگن رہے تو
میں یونہی پھولوں سی سبک خرام
لافانی بہاروں کے سنگ
ڈولتی پھروں گی
سنو
ہمیشہ مجھ میں رہوگے نا
اے مکین دل وجاں
مجھے
میری آخری سانس تک یونہی چاہتے رہوگے نا!
مگر !!!
یہ ڈھلتی رات کی ساعتیں
آہ یہ ساعتیں جو رگوں سے روح کھینچ رہی ہیں
یہ دل کش دل نشیں منظر
جو اک خوش فہم دل کی ناکام خواہش کاعکس ٹھہرے
اور وفا کے وعدے کو منتظر ان نگاہوں کا سوال
یونہی کسی پتھر سے ٹکرا کر لوٹ آئے تو!
تم اور میں
ہم ایک دوسرے میں گم
تمھاری دلکش مسکراہٹ
نظروں کابےباک پن
اور میری شرمگیں جھکی نگاہیں
ایک مکمل محبت بھرا مقدس لمحہ
چاہیں جتنے سال آئیں
جوبھی شامیں گزریں
تم اور میں اسی طرح ہمیشہ ساتھ ہوں
تو کسی بھی جدائی کا احساس
کوئی خدشہ
مجھے چھو بھی نہ پائےگا
تمھارے پیار کا ابدی سحاب
اسی طرح مجھ پر سایہ فگن رہے تو
میں یونہی پھولوں سی سبک خرام
لافانی بہاروں کے سنگ
ڈولتی پھروں گی
سنو
ہمیشہ مجھ میں رہوگے نا
اے مکین دل وجاں
مجھے
میری آخری سانس تک یونہی چاہتے رہوگے نا!
مگر !!!
یہ ڈھلتی رات کی ساعتیں
آہ یہ ساعتیں جو رگوں سے روح کھینچ رہی ہیں
یہ دل کش دل نشیں منظر
جو اک خوش فہم دل کی ناکام خواہش کاعکس ٹھہرے
اور وفا کے وعدے کو منتظر ان نگاہوں کا سوال
یونہی کسی پتھر سے ٹکرا کر لوٹ آئے تو!
کوئی تبصرے نہیں:
ایک تبصرہ شائع کریں